Maiatzaren 24an egingo da ikasturteko Plazatarrak

Maiatzaren 24an, ostiralean, egingo den Plazatarrak ikasturteko azkena izango da. Perretxikoan elkartuko dira arratsaldeko 17:30ean bertatik Urrestillara bizikletaz joateko (euria egingo balu, ekintza bertan behera geratuko litzateke). Ohi bezala HH5 eta LH6 urte bitarteko haurrei eta beren gurasoei zuzendutako ekintza izango da.

Izena emateko azken eguna maiatzaren 22an, asteazkena, izango da eta Gazte Informazio Bulegoan (943 15 71 60 edo gib@azpeitia.eus) edo Ludoteketan eman beharko da. Izena ematean ezinbestekoa da lau umeko arduradun batek, gutxienez, izena ematea eta ekintzan parte hartzea.