Mirari Uria, Gorka Karapeto eta Jose Maria Perez dira 2022ko Urteko Kirolariak

Gaur eguerdian, kirolariz bete da Sanagustin kulturgunea, Urteko Kirolari sariketaren ekitaldiaren baitan. Bertan izan dira sarituez gain, herriko kirol elkarteetako ordezkari mordoxka. Ekitaldiaren hasieran Egoitz arruti Kirol batzordeburuak hartu du hitza sarituei zein atzetik dituzten taldeak zoriondu eta eskertzeko: "Kirolak atzetik ikuste ez den lan handia du, eta horregatik esketu nahi ditut guztiak". Azpeitian kirolari eta talde "izugarri" daudela azpimarratu nahi izan du "eta horrek gauza asko esan nahi" dituela.  

Aurrera begira, "erronka potoloak" datozela aipatu du. " Zailtasun eta lan gehiago, baita boluntario lanerako ere. Horregatik, taldeoi eskatzen dizuet bakoitzak bere zilborretik harago begiratu eta lanean elkarrekin jarraitzeko. Elkar lagundu eta erronka kolektiboari aurre egiteko". Bukatzeko, kirolaren balioak goraipatu ditu: "Kiroletik ere herria egiten ari gara. Herriari egiteko modu eta izateko modu bat ematen hari gara".  

Hitz horien ostean, sari banaketari ekin zaio. 

Urteko Kirolariak

MIRARI URIA
Lagun-Onak Futbol taldeko harrobian hazi, hezi, eta 2018-2019 denboraldian Realera egin zuen jauzia. Urtebete beranduago, 2019-2020 denboraldian, talde nagusiarekin debuta egin zuen, Anoetan. Umiltasunez eta adorez, pauso handiak ematen ari den emakume-futbolari honek, iaz, 19 urtez azpikoen Europako Txapelketa irabazi zuen. Aurten, berriz, 20 urtez azpikoen Munduko Txapelketa irabaztea lortu du Espainiako selekzioarekin. Kirol emaitzez gain, gazte kirolari askorentzat erreferentea eta eredu izateagatik.

GORKA KARAPETO

Gorka Karapeto gure herrialdeko kirol-eskaladaren panoraman klasikoa da jada. 41 urterekin, paper garrantzitsua izan du bi hamarkadetako eskalada lehiaketetan, lehenik lehiakide gisa eta gero euskal taldearen arduradun gisa. Gaur egun, bere rokodromoa zuzentzen du Iruñean duela bost urtetik hona, eta, beti bezala, harkaitzera irteten jarraitzen du ahalik eta gehien estutu ahal izateko erronkei aurre egiteko. Azken erronka joan den azaroan erori da, Zeleputza Hoya de la Lezen (Ilarduia) bere lehen 9a+ kateatzea lortu baitu, egunarte, kirol-eskaladan egin duen biderik zailena. Gutxiren eskutan dagoen maila lortzeagatik.

JOSE MARIA PEREZ
Hamalau urte daramatza Lagun-Onak Futbol taldeko 3.mailako taldearen delegatu lanetan. Astero-astero, besteak beste, honako funtzioak eginez; entrenamendu zein partiduetan gertatzen den edozein goraberara jaso eta dagokionari jakinarazi, zelailaretu beharreko jokalarien kudeaketa egin, erabilitako material guztia bildu, eta taldearen zein klubaren irudia mantentzeko beharrezko jokabidea sustatu.

Beste sarituak

Urteko Kirolari Onena (boluntarioa): Aner Arregi (Kodaore Judo Elkartea), Unai Alkorta (Ikasberri KE) (Urraki Eskuderia), Arkaitz Blanco (Urraki Eskuderia) Azpeitiko herritarrak (Lagun Onak MB), Mikel Labiano (Iraurgi SB), Mailu Segurola (Izarraitz Igeri Elkartea), Migel Angel Gomez (Xaputarrak Xake Elkartea), Jon Larrañaga (Karate Elkartea) eta Ilunpeko kideak (Ilunpe Pilota Elkartea. ). 

Urteko Kirolari Onena (emakumezkoa): Asley Mallo (judo), Ainara Iturralde (saskibaloia) Uxue Etxeberria, Maier Lizarburu, Anne Sagarmendi eta Mirari Goenaga (igeriketa), Arantzazu Araneta (automobilismoa), Nagore Aramendi (euskal pilota) eta Maialen Azpiazu (Triatloia).

Urteko Kirolari Onena (gizonezkoa): Gabriel Carmona (Judoa), Iker Egiguren (pilota), Oier Alkorta (erreminta), Josu Zelaia (atletismo), Aitor Zubizarreta (saskibaloia), Iker Zabaleta (txirrindularitza), Ohorezko erregional mutilak (futbola), Aitor Priya (xakea), Unai Alonso (karate) eta Asier Leon (MTB).