Itzulpen automatikoa / Machine translation

Musika, dantza, magia eta askoz gehiago izango da uztailean Azpeitian

2021/07/08
Musika, dantza, magia eta askoz gehiago izango da uztailean Azpeitian

Egitarau zabala osatu dute herriko eragileek, Kulturazek eta Azpeitiko Udalak uztailerako. Azpeitia dantzan, kontzertuak, magia, haurrentzako jolasak eta askoz gehiago izango da datozen asteetan, herritarren gozagarri; guztiak beharrezko protokolo eta segurtasun neurriak hartuz egingo dira. “Jakinarazi bezala, festak bertan behera uztea erabaki dute festetan ekintzak antolatu ohi dituzten eragileek eta udalak adostasun zabalarekin, jende pilaketak ekiditeko helburuarekin. Hala, festetako hainbat ekintza uztailean egingo dira eta egitarau erakargarria antolatu dugu herritarrek aisiaz goza dezaten”, adierazi du Mikel Odriozola zinegotziak.


Bide horretan, aurreko astean hasitako Azpeitia Dantzanen baitako Sahatsa eta Itsasiren emanaldiak, musika kantzertuak, haur eta gaztetxoentzako ekintzan… denetarik eta adin guztientzako ekintzak antolatzen saiatu da Udala. Herritarren osasuna zaintzeko beharrezko neurriak hartuko dira ekintzetan, eta horregatik aforoa mugatua izango da ekintza guztietan. Hala, dagoeneko har daitezke Kulturaz-en webgunean hainbat ekintzetarako gonbidapen eta sarrerak. Airre librean egingo diren hainbat ekintzetarako ere gonbidapenak aurrez hartu beharko dira, eta datozen egunotan jarriko dira herritarrentzat online eskuragarri.

EGITARAUA

Uztailak 7, 19:00etan, Sanagustinen: Suharra dokumentala
Uztailak 8, 19:00etan, plazan: Kantu Jira emanaldia
Uztailak 10, 19:00etan, Soreasun: Azpeitia dantzan: SAHATSA
Uztailak 11, 19:00etan, Soreasun: Azpeitia dantzan: ITSASI
Uztailak 14, 21:00etan, Basazabalen: Udako musika printzak
Uztailak 16, 18:00etan, Sanagustinen: Txiki rock
Uztailak 17, 18:00etan, Sanagustinen: Viva Belgrado eta RO taldeen kontzrtuak
Uztailak 18, 12:30ean, Sanagustinen: Musika eskola eta Luix Beltzaren ikuskizuna
Uztailak 20, egun osoan, Betharram eta perdilegin : Jolas parkeak
Uztailak 21, 19:00etan, Frontoi Txikian: Hodei magoaren ikuskizuna
Uztailak 22, 11:30ean, Plazan: Hondar eskultura tailerra
Uztailak 22, 19:30ean, Plazan: Musika Eskolako Txistulariak+banda Gaztea
Uztailak 22, 21:30ean, Plazan: Pasodoble kontzertua: Udal musika banda
Uztailak 23, 20:00etan, Sanagustinen: BROKEN BROTHERS BRASS BAND taldearen kontzertua.
Uztailak 27, egun osoan, Betharram-en: Ur parkea haurrentzat