Itzulpen automatikoa / Machine translation

NDR Elbphilharmonie Orchestra - Hamburgok Kursaalean emango duen kontzertua ikustera joateko autobusa egongo da

2019/10/17
NDR Elbphilharmonie Orchestra - Hamburgok Kursaalean emango duen kontzertua ikustera joateko autobusa egongo da

Kursaal Eskura proeiktuaren baitan, Kursaal Eszenarekin bat egin du Azpeitiko Udalak Azkoitiko eta Zestoakoarekin batera. Hala, Kursaalean antolatzen diren hainbat kontzertu eta ikuskizunak eskura jartze aldera, doako autobus zerbitzua eskaintzen da Donostiara joan-etorria egiteko. AZaroaren 12an, asteartea, NDR Elbphilharmonie Orchestra - Hamburgo ikustera joateko izango da hurrengo autobusa.


Egitaraua
Bartok: "Concierto nº2 para violín"
Bruckner: "Sinfonía nº7"

Alemaniako orkestra garrantzitsuenetariko bat da Hamburgoko auditorio berri enblematikokoa.
Duela bi urte Musika Hamabostaldian egon ondoren, berriz ere itzuliko da NDR, Leonidas Kavakos biolinista karismatikoa bakarlari bezala arituko den kontzertua emateko.

Sarrerak: 55 / 44 / 35 / 28 / 11 €

Prozedura

Interesdunek Kursaal Elkarguneko web orria bitarteko dela erosi beharko dute kontzerturako sarrera: www.kursaal.eus

Behin sarrera erosita, interesdunek, nahitaez,autobuseko tokia erreserbatu beharko dute 943 157068  telefonora deituta edo kultura@azpeitia.eus e-postara idatzita. 
Autobusak anbulatorio aurrean egingo du geldigunean 18:45ean. 

 

Ordu Gaztea eta langabetua

Langabetuek eta 30 urtetik beherako interesdunek, sarrerak 3 euroko prezioan erosi ahal izango dituzte. Horretarako, sarrera (autobuseko tokia bezalaxe) erreserbatzea ezinbestekoa izango da (Azpeitia: 943 157068). Behin beharrezko erreserbak eginda, kontzertu/ikuskizuneko egunean bertan, interesduna Kursaaleko leihatilara gerturatu beharko da eta bere adina (Ordu Gaztea) edo lan egoera (Langabetuak) egiaztatu ondoren, sarrera ordaindu (sarrera hauen kokapena egun horretan leihatilan erabilgarri dauden sarreren araberakoa izango da).

Izena emateko epea (autobusa/ Ordu Gaztea) azaroaren 7an amaituko da.

Oharra: Gutxienez 15 pertsonako talde bat ez bada osatzen, eskaintza bertan behera utziko dugu (Erositako sarreren dirua bueltatuko da hori gertatuz gero)