Oktogonoa eraisteko lanak lehiaketa publikora atera ditu udalak

Adinekoen zentro berria egiteko tramitazioak aurrera doaz eta bide horretan, Azpeitiko Udala pausoak ematen ari da proiektuaren garapenean. Hala, pixkanaka-pixkanaka eremu horretan eskaintzen diren zerbitzuak leku-aldaketa batzuk egin dira eta besteak egiteko azpiegiturak egokitzen ari da. 

Orain, zentro berria egingo den eremuaren zatian dagoen oktogono edo perretxikua bezala ezaguna den eraikina eraisteko prozesua abiatu du. Dagoeneko eraiste proiektua egina du eta eraiste lanak lehiaketa publikora atera ditu. Eraiste lanak egiteko proposamenak aurkezteko epea apirilaren 25ean izango da. Lan horiek gehienez ere 141.154,52€ko aurrekontua izango dute eta lau hilabeteko epean egin beharko ditu enpresa esleipendunak. 

Eraikina bota ostean, behin-behinean eta adinekoen zentro berria eraikitzen hasi bitartean aparkaleku gisa egokituko da eremua.