Ongizate emozionala eta autozainketa tailerrean bi talde osatu dira eta aste honetan eman diote hasiera saioei

Azpeitiko Udalak herritarrei eskaintzen zaizkien formazio saioen baitan, ikasturte berrirako antolatutako ongizate emozionala eta autozainketa tailerra abian da. Ikastaroak sortutako interesa medio, bi talde osatu dira eta atzo eta herenegun eman zioten saioei hasiera, Saioa Garmendiak gidatuta. Azaroaren bukaera bitartean, bost saio jasoko ditu talde bakoitzak, Basazabal Formazio Zentroan.