Ostegunetan, 07:30etatik 19:00ak arte, etenik gabe, izango da irekita Herritarren Arreta Zerbitzua
2019/12/30
2020a hastearekin bat, Herritarren Arreta Zerbitzuko ordutegia egokitu egingo da. Oran artean, astelehenetik larunbatera izan da irekita, baina lege aldaketa bat medio, larunbatak ez dira egun baliodunak tramiteetarako. Beraz, urtea hastearekin bat ostegunetako ordutegia luzatuko da, eta larunbata goizetan itxita izango da Udala.
2018ko ekainean Herritarren Arreta zerbitzua herritarren tramiteak zentralizatu, funtzionamendua hobetu eta tramiteak arintzeko asmoz jari zen abiab. Ordutik, 07:30etatik 15;30etara eskaintzen zaie arreta herritarrei. Orain, ostegunetan, 07:30etatik 19:00etara bitartean eskainiko da zerbitzua, etenik gabe: "Gaur egun udalera etorri gabe online tramite ugari egin ditzakete, larunbatak ez dira egun baliodunak eta, gainera, jende gehiegi ere ez dela ibiltzen aztertuta, ostegunetako ordutegia luzatzeko proba egitea erabaki dugu", zehaztu du Leire Goenaga zinegotziak.
Tramiteak online
Webgunearen bidez, gaur egun, herritarrek tramite administratibo ugari egin ditzakete online. Hala, udalera etorri gabe errolda agiria eskatu, litzentzia eta baimenak tramitatu edo tramite ekonomikoak egin daitezke gaur egun: "Sarean egiten dira horrelako tramite gehiago, etxetik edo mugikorretik, eta gure helburua ahalik eta tramite gehienak udaketxera etorri gabe egiteko aukera eskaintzea da, horrela nahi duenarentzat", gaineratu du.