Ostiralean bukatuko da Jabetza Eskolako ikastaroetan izena emateko epea

Azpeitiko Udalak, Emakume Mahaiarekin elkarlanean, emakumeen jabekuntzarako ikastaro eta ekintzak antolatu ditu. 5 tailer eta bestelako lau ekimen antolatu dituzte datozen hilabeteetarako. Asteazkenean, urtarrilak 30, Trans sexualitateak liburuaren aurkezpena izango da Emakumeen Txokoan, 18:00etan hasita. Euskal Herriko Bilgune Feministak eta Emaginek osatutako lana da aurkeztuko dutena. Ikastaroetan izena emateko azken eguna ostirala, otsailak 1, izango da. 

IKASTAROAK

Ekonomia feminista: Generoak duen dimentsio sozioekonomikoa landuko da, Marina Sagastizabalek gidatuko du ikastaroa. Martxoaren 15ean eta 16an izango da eta zortzi orduko iraupena izango du. Ostiralean 16:00etatik 20:00etara eta larunbatean 09:00etatik 13:00etara eskainiko da tailerra.

Sabel dantza: Otsailaren 7tik maiatzaren 16ra, ostegunetan eskainiko du Jaione Albenizek 18:30etik 20:00etara. Hemeretzi ordu eta erdiko iraupena izango du eta 29,25 euro ordaindu beharko da. Langabetuek eta ikasleek, aldiz, 19,50 euro ordaindu beharko dituzte.

Antzerki tailerra: Alaitz Olaizolak eskainiko du ikastaroa, otsailaren 5etik maiatzaren 14ra, asteartetan, 18:00etatik 19:30era. Izen-ematea 29,25 euro ordaindu beharko da. Langabetuek eta ikasleek, berriz, 19,50 euro.

Autodefentsa feminista: Indarkeria mota ezberdinen aurrean kontzientzia hartzen ikasiko dute parte-hartzaileek, eta erasoen aurrean erantzuteko estrategien gaineko hausnarketa egingo dute. 18 urtetik gorako emakumeei zuzenduta dago. Alaitz Mañesek eskainiko du tailerra, otsailaren 16an, larunbatez. Zortzi orduko iraupena izango du ikastaroak, eta bi zatitan egingo dute, 10:00etatik 14:00etara eta 16:00etatik 20:00etara. Doakoa izango da.

Autoestima eta ahalduntze ikastaroa: Emakumeen autoestimaren eraikuntzan sakonduko dute tailerrera animatzen diren emakumeek. Martxoaren 27tik maiatzaren 29ra, asteazkenetan, egingo dituzte saioak, 15:00etatik 17:00etara. Orotara, 18 orduko iraupena du tailerrak, eta 27 euro ordaindu beharko da izen-ematea. Langabetuek eta ikasleek, 18 euro.

Jabetze Eskoletan izena emateko epea, eta otsailaren 1ean bukatuko da. Tailerretan parte hartu nahi dutenek Emakumeen Txokoan (Goikokale 12) egin dezakete izen-ematea, bulegoran edota 943-15 70 55 telefonora deituta edo emakumetxokoa@azpeitia.eus helbidera mezu bat bidalita.

Asteazkenean, liburu aurkezpena

Trans sexualitateak liburuaren aurkezpena: Urtarrilaren 30ean, asteazkena, Emakumeen Txokoan, 18:00etan hasita.

Microfisika sexista del poder. El caso Alcasser y la construccion del terror sexual liburuaren aurkezpena: Otsailaren 20an, asteazkena, Nerea Barjolak, 18:00etik aurrera aurkeztuko du liburua.

Käffka antzezlana: Otsailaren 15ean, ostirala, Soreasu antzokian, 19:30ean hasita.

Hitanoa, emakumeen ahalduntzerako tresna jardunaldia: Martxoaren 30ean, zapatua, egingo dute Emakumeen Txokoan. Goizean, 11:30ean hasita, hitzaldia eskainiko dute Garbiñe Bereziartuak, Eli Pagolak eta Onintza Legorburuk. Bazkalostean, aldiz, Nokadromoa sortuko dute, nokaz hitz egiteko gunea, hain zuzen.