Otsailaren 11tik aurrera, antena bidezko telebistan ikusten diren hainbat telebista-kate ez dira ikusiko kanal bikoiztuetan
2020/02/06
Otsailaren 11tik aurrera, antena bidez ikusten diren telebista-kateak aldaketak jasango dituzte. Horren arrazoia: 5G mugikor zerbitzuetarako lurreko telebistako kate batzuk libre utzi beharra, Europako legediak agindutako Bigarren Dibidendu Digitalaren prozesua betetzeko.
2019ko irailetik orain arte, hainbat telebista-kate kanal bikoiztuetan (edo simulcast moduan) ikusteko aukera izan da, hau da, libre utzi behar diren kanaletan eta kanal berrietan. Otsailaren 11n, libre utzi behar diren kanalak itzali egingo dira eta kanal berrietatik bakarrik ikusiko dira telebista-kateak. Aldaketa horiek estatuaren telebista-kateei eragingo die. EiTBk, berriz, simulcast moduan emitituko du otsailaren 12tik ekainaren 30era bitartean.
Antena kolektiboa duten herritarrek baimendutako enpresa instalatzaileari (antenistari) deitu beharko diote telebista kanal berrietara egokitzeko edo ekipoa programatzeko lan hauek aurretik eginda ez badituzte. Kanal berriak instalatu ondoren berriro sintonizatu behar da telebista.
Banakako antena dutenek nahikoa izango dute telebistako kateak berriro sintonizatzearekin.
Dirulaguntzak daude auzo-erkidegoentzako telebistak kanal berrietara egokitzeko. Dirulaguntzak antenisten bidez eskatu behar dira.
Informazio gehiago ondorengo esteketan
www.televisiondigital.es
www.itelazpi.eus/eu/bigarren-dibidendu-digitala
www.aditegi.es
Dirulaguntzak
Erabiltzaileen arreta-telefonoak:
901 20 10 04 / 910 88 98 79
901 640 650 (Itelazpi_EiTB)