Itzulpen automatikoa / Machine translation

Otsailaren 24an zabalduko dute igeriketako hirugarren hiruhilekoko ikastaroetan izena emateko epea

2025/02/20
Otsailaren 24an zabalduko dute igeriketako hirugarren hiruhilekoko ikastaroetan izena emateko epea

Otsailaren 24tik 28ra bitartean irekiko da hirugarren hiruhilekoko ikastaroetan izena emateko epea. Hiruhileko honetan haurtxo txikien igeriketa ikastaroa ere eskainiko da, larunbatetan.


Haurren igeriketako hirugarren hiruhilekoa 2025ko martxoaren 24an hasi eta ekainaren 20an amaituko da. Bigarren hiruhilekoko ikastaroan parte hartu dutenek lehentasuna izango dute, eta harreran adierazi beharko dute ikastaroan jarraitu nahi duten ala ez. Jarraitu nahi ez dutenek, baja orria bete beharko dute.

Izen emate berrietarako, izen-emate orriak harreran jaso eta beteta itzuli beharko dira. Izen emateak dauden plazak baino gehiago diren kasuetan, geratzen diren plazak zozketa bidez esleituko dira. Talde berriak adinaren eta mailaren arabera antolatuko dira, eta kontuan hartuko dira bigarren hiruhilekoko ikastaroetako balorazio fitxak.

Haurtxo txikien igeriketa

Horrez gain, hiruhileko honetan haurtxo txikien igeriketa ikastaroa ere eskainiko da, 7 hilabetetik 2 urtera bitarteko haurrentzat. Ikastaroa martxoaren 15etik ekainaren 21era bitartean izango da, larunbatero, apirilaren 19 eta 26a izan ezik (hamabi saio guztira). Ikastaro honetarako izen ematea egiteko, izen-emate orriak bete eta harreran itzuli beharko dira.

Matroigeriketa 2025 EUS

Eskaintzaren inguruko zalantzak edo informazio gehiago nahi izanez gero, joan igerilekuko harrerara edo deitu 943814121 telefonora.