Otsoak ekosistema iberiarretan duten garrantzia azpimarratzen duen 'Barbacana, la huella del lobo' filma izango da ikusgai azaroaren 6an 19:00etan Soreasun

Gipuzkoako Naturaldiaren zazpi egoitzak proiektatuko dute BARBACANA, LA HUELLA DEL LOBO filma, Arturo Menorrek zuzendutako ekoizpen bat, non parte hartu duen, besteak beste, Carlos de Hitak, naturaren soinuetan adituak. Zintak 2020 Goya sarietarako bederatzi izendapen ditu. Azpeitian, azaroaren 6an, asteazkena, 19:00etan Soreasun izango da.

Ekoizpen berri horrek hiru istorio bilbatzen ditu:

Alde batetik, Acajú ekoiztetxeko lantalde teknikoarena, zeina saiatuko baita otsoak filmatzen natura bete-betean. Erronka zail horri erantzun beharko diote, eta halako filmaketa batek sortzen dituen arazo ugariak gainditu.

Beste alde batetik, otso saldo baten bizimodua erakutsiko da, haren ingurune naturalean. Ikusiko dugu nola jaiotzen diren otsokume berriak, eta ezagutuko dugu nolakoa den familia-klan baten egunerokoa.
Gainera, sartuko gara otsoaren errealitate sozialaren barruan: espezie bat, zeinak bihotza sutan jartzen baitu irrikaz nahiz gorrotoz, eta maitasuna eta gaitzespena sortzen baititu. Abeltzainak, otsoaren alde eta kontra daudenak.

Hiru kontakizun paralelo, denboran eta espazioan, azkenean bat egingo dutenak.

Ahalegintzearen eta gainditzearen kronika bat, ezagutzera eman nahi duena zer-nolako garrantzia duen otsoak ekosistema iberiarretan, eta zer kontserbazio-arazo dituen. Hori dena zinema digitaleko kamerarik modernoenekin filmatua, filmaketa-tresnarik aurreratuenekin. Irudi eta soinuzko ikuskizun bat gure zentzumenentzat.

Proiekzioan, bertan izango da Arturo Menor, filmaren zuzendaria. Arturo Menor biologoa da, ekoizlea, eta naturako dokumentalen zuzendaria, profesionalki Acajú Comunicación Ambiental enpresari lotua. Huelvako Unibertsitateko zientzia-ikertzailea ere bada, eta haren dokumentalak munduko zinemaldirik entzutetsuenetan proiektatu dira. Haren lanen artean, azpimarratzekoak dira, alde batetik, Amigas del aire, Fundación Biodiversidad saria, Berrikuntza, Lidergo eta Ingurumen Komunikaziokoa, 2011ko film laburrik onenari, eta RTVA saria Andaluziako ekoizpenik onenari 2012ko Cine del Aire nazioarteko zinemaldian, eta bestetik, Ecología de la Muerte, ikerketako filmik onenaren saria, Rondako 2010eko nazioarteko biurteko XXVI. Unicaja zinemaldian, eta ASECIC Guillermo Zúñiga saria zientzia-filmik onenari Zaragozako 2010eko XV. zinemaldian. Haren opera prima, WildMed, el último bosque mediterráneo, zortzi Goya saritarako izendatuta egon zen, eta nazioarteko aitorpen ugari lortu zituen.