Itzulpen automatikoa / Machine translation

Pantailen erabilera eta etxeko gaztetxoenei mugikorra ahalik eta beranduen erosteko kontzientziazio kanpaina abiatu da

2023/06/16
Pantailen erabilera eta etxeko gaztetxoenei mugikorra ahalik eta beranduen erosteko kontzientziazio kanpaina abiatu da

Ikasturte osoan LH-ko ikasleen guraso elkarteak lehenik nork bere ikastetxean eta ondoren elkarrekin, hainbat aldiz bildu dira pantailen erabilera eta mugikorren erabilerarekin kezkatuta.Teknologia berriek nahiz sare sozialek haurrengan izan dezaketen eraginarekin kezkatuta eta gaian sakontzeko lanketa herri gisa egiteko beharra ikusi dute gurasoek. Horrela herri mailako talde eragile bat sortu dute.

Apirilaren 24an, udalak eta ikastetxeetako guraso elkarteek pantailen erabileraz eta mugikorra noiz eman seme-alabei gaiaz aritzeko mahai ingurua antolatu zuten Sanagustin kulturgunean. Lehen urratsa oso aberatsa eta eraginkorra izan zen, gurasoen aldetik erantzun oso ona izan baitzuen.  Maiatzean eta ekaina hasieran talde eragileak Azpeitiko Udalaren laguntzaz lan saio batzuk antolatu dituzte, oraingoan, ikastetxeetan. Bertan mugikorrak  haurrengan dituen alde onak eta txarrak landu zituzten gurasoekin.

Orain, udarakoa kontzientziazio kanpaina abiatu dute. 10 puntuz osaturiko dekalogo bat argitaratu dute eta ikasle guztiek beren etxeetara eramango dituzte eskuorri eta pegatinak, gurasoek pantailen erabilera egoki eta kontziente bat egin dezaten.