Plazatarrak ekimenaren baitan, Ekoetxera joango dira

Hilero bezala, badator otsaileko Plazatarrak ekimena. Otsailaren 22an izango da, ostiralean, arratsaldeko 17:30etik 19:00etara eta oraingoan, Ekoetxera joango dira parte hartzaileak, naturarekin harremanetan hainbat ekintza egiteko bertako hezitzaileekin batera. Topalekua Txiki Txoko Ludotekaren parean izango da.

Beti bezala HH 5 eta LH 6 urte bitarteko haurrei eta beren gurasoei zuzendutako ekintzada eta ezinbestekoa izango da lau umeko arduradun batek, gutxienez, izena ematea eta ekintzan parte hartzea.

Izen-ematea otsailaren 20ra arte, asteazkenera arte, zabalik egongo da eta ohi bezala Gazte Informazio Bulegoan (gib@azpeitia.eus helbidera mezua bidalita, 943 15 71 60 telefonora deituta edo bertaratuta) edo Ludoteketan eman daiteke.