Presoen giza eskubideak aldarrikatzeko larunbateko manifestaziorako deia egin dute udal ordezkari eta senideek

Gaur goizean, Gotzon Aranburu eta Josu Urbieta euskal preso politikoen senideekin elkartu dira Nagore Alkorta alkatea, Josu Labaka eta Leire Goenaga zinegotziak. Hala, udal ordezkariek presoek eta senideek bizi duten egoeraren berri jakin ahal izan dute beren eskutik.

Bizikidetzaren baitan, herritar guztien giza eskubidaak errespetatzea beharrezkoa dela azpimarratu nahi izan du alkateak: “Gaur egun, euskal preso politikoei ez zaizkie beren giza eskubideak errepetatzen, eta horregatik, ezinbestekoa da espetxe politika aldatzea”.

Hala ere, zenbait mugimendu izan direla eta, sakabanaketa politikarekin bukatzeko “denok batera ekiteko unea” dela gaineratu du. Horregatik, presoen giza eskubideak betetzeko eskatuz larunbatean 17:30ean hasita Azpeitiko plazatik abiatuta Sarek antolatuta egingo den manifestazioarekin bat egin eta herritarrei parte hartzeko deia ere luzatu nahi izan diete udal ordezkariek eta presoen senideek.