Produktu fitosanitarioen aplikatzaile txartela ateratzeko ikastaroan eman daiteke izena

Azpeitiko Udalak egiten duen formakuntza eskaintzaren baitan, abenduaren 14tik 22ra bitartean produktu fitosanitarioen aplikatzaile txartela ateratzeko 25 orduko ikastaroa antolatu du.

Abenduaren 14, 15, 16 eta 19an 15:00etatik 19:00etara izango dira saioak eta abenduaren 20 eta 22an 15:00etatik 20:00etara; azken egun horretan azterketa egingo da. Saioak Sergio Alava eta Egoi Martioda fraidoro eskolako irakasleek zuzenduko dute.

Ikastaroa profesionalentzat edo nekazaritza txartela dutenentzat zuzendurik dago. Ikastaroa egin nahi duten azpeitiarrek (erroldatuta daudenak) 33€-ko matrikula ordaindu beharko dute; Azpeitian erroldatuta ez daudenek 41€-koa. Izena emateko edo ikastaroaren inguruko informazio gehiagorako hezkuntza@azpeitia.eus helbidera idatzi edo 943 255006 telefonora dei dezakete.