Sanjuandegiko festetan, puntu morea

Gaur arratsaldean lehertuko da festa Sanjuandegin, Mantangorriren jaitsierarekin, eta jai giroko ekitaldiz bete-betetako asteburua ekarriko du. Urtero bezala, udalak indarkeria matxistarik gabeko gunea edo puntu morea ere jarriko du Baigera 2 aurrean.

Gune horren helburua da herritarrak indarkeria matxistaz sentsibilizatzea eta jai parekideak sustatzea. Hezitzaileak egongo dira bertan, emakumeek, LGTBI+ pertsonek eta bereziki gazteek jaietan indarkeria matxistarekiko dituzten bizipen, iritzi eta interesak jasotzeko nahiz babesa zein elkartasuna adierazteko. Indarkeriari aurre egiteko bitartekoak zein gidak ere eskainiko dituzte. Gaur, ostirala, eta bihar, larunbata, jarriko dute gune puntu morea, 20:00etatik 01:00era bitartean. 

Horrez gain, Danok eo iñorrez. Danona da festie, danona da ardurie kanpainako kartelak ere jarri ditu udalak auzoan, eta eraso matxisten aurkako protokoloa banatu die Jai Batzordeari eta auzoko tabernei.