Sanjuandegiko tiobiboen eguna, maiatzaren 29an

Mantangorriren jaitsierarekin, datorren ostiralean (maiatzak 30) hasiko dira Sanjuandegiko festak. Umeak, ordea, lehenago murgilduko dira festa giroan. Larunbatean izango da Ume Eguna, eta tiobiboak ere bihartik egongo dira irekita.

Ume Egunean, 16:00etatik 17:00etara bitartean, aniztasun funtzionalaren txartela dutenek eta haien familiek bakarrik izango dute tiobiboetan ibiltzeko aukera, eta igandean 11:00etatik 12:00etara ere bai. Horrez gain, 17:00etatik 18:00etarako tartea musikarik gabekoa izango da egunero.

Tiobiboen eguna maiatzaren 29an, osteguna, izango da, eta 17:00etatik 22:00etara bitartean, 1,5 euro balioko du bidaiak.

Euskara sustatzeko ahalegina

Ohi bezala, euskarazko hainbat material ere jarri dira tiobibozaleen esku; besteak beste, euskarazko abestien zerrenda bat, prezioak euskaratuta, euskarazko oinarrizko hitzen zerrenda bat… Zaparraie taldeak ere gutun bat bidali die euskara erabiltzera animatuz.