Itzulpen automatikoa / Machine translation

Talde berri baten bila, erraldoi eta buruhandiei bizitza emateko

2024/12/02
Talde berri baten bila, erraldoi eta buruhandiei bizitza emateko

Azpeitiko ia festa guztietako ezinbesteko osagaia dira erraldoi eta buruhandiak. Musikaz lagunduta, kalez kale bueltaka, beren gona luzeak astinduz dantzan, zirrara eragiten diete haurrei eta haur ez direnei. Ikusi besterik ez dago Umeen Eguneko erraldoien desfileak sortzen duen ikusmina edo erraldoien miniaturek izaten duten arrakasta.


Lau erraldoik osatzen dute Azpeitiko taldea, eta munduko arrazak sinbolizatzen dituzte. Buruhandiak ere beste lau dira. Herritar talde bat arduratu izan da azken boladan erraldoi horiei bizitza emateaz. Udalak eskerrak eman nahi dizkie egindako lanagatik. Orain, erreleborako txanda iritsi da, eta 6-8 laguneko talde berria behar du udalak. Norbaitek erraldoiekin eta buruhandiekin ateratzeko interesa izango balu, kultura@azpeitia.eus helbidera idatzi behar du.

Jai hauetan ateratzen dira erraldoi eta buruhandiak kalera: Santo Tomas Egunean (abenduak 21), Astelehen Karnabalean, Umeen Egunean eta Saninazio bezperan (uztailak 30).