Itzulpen automatikoa / Machine translation

The Norwegian Radio Orchestrak Kursaalean emango duen kontzertua ikustera joateko autobusa egongo da

2020/03/09
The Norwegian Radio Orchestrak Kursaalean emango duen kontzertua ikustera joateko autobusa egongo da

Kursaal Eskura proeiktuaren baitan, Kursaal Eszenarekin bat egin du Azpeitiko Udalak Azkoitiko eta Zestoakoarekin batera. Hala, Kursaalean antolatzen diren hainbat kontzertu eta ikuskizunak eskura jartze aldera, doako autobus zerbitzua eskaintzen da Donostiara joan-etorria egiteko. Hurrengo ekintza apirilaren 29an izango da eta The Norwegian Radio Orchestrak eskainiko duen kontzerturako autobusa jarriko da. 


Apirilak 29, asteazkena (Kursaal Auditoria, 20:00)

The Norwegian Radio Orchestra
Miguel Harth-Bedoya, zuzendaria
Boris Giltburg, pianoa
Programa:
Grieg: En otoño
Beethoven: Concierto para piano nº4
Dvorak: Sinfonía nº7

(Sarrerak: 55 / 44 / 35 / 28 / 11 €)

Norvegiako orkestra nagusia bere zuzendari titularrarekin, Harth-Bedoya, aurkeztuko Kursaalean. Programan Beethoven izango da, bere jaiotzaren 250. urteurrena betetzen den honetan, Dvorak txekiarrarekin batera. Norvegiako ukitua berriz, Grieg-en eskutik etorriko da.

La principal orquesta noruega se presenta en el Kursaal de la mano de su director titular, Harth-Bedoya, con un programa que incluye a Beethoven en el 250 aniversario de su nacimiento, junto al checo Dvorak y el toque noruego de la mano de Grieg.

 

Prozedura

Interesdunek Kursaal Elkarguneko web orria bitarteko dela erosi beharko dute kontzerturako sarrera: www.kursaal.eus

Behin sarrera erosita, interesdunek, nahitaez,autobuseko tokia erreserbatu beharko dute,  943 157068 telefonora deituz edo kultura@azpeitia.eus helbidera idatzita. 

Autobusa aorio aurreko geralekuan hartu beharko da, 1845ean 

Ordu Gaztea eta langabetua

Langabetuek eta 30 urtetik beherako interesdunek, sarrerak 3 euroko prezioan erosi ahal izango dituzte. Horretarako, sarrera (autobuseko tokia bezalaxe) erreserbatzea ezinbestekoa izango da (Azpeitia: 943 157068). Behin beharrezko erreserbak eginda, kontzertu/ikuskizuneko egunean bertan, interesduna Kursaaleko leihatilara gerturatu beharko da eta bere adina (Ordu Gaztea) edo lan egoera (Langabetuak) egiaztatu ondoren, sarrera ordaindu (sarrera hauen kokapena egun horretan leihatilan erabilgarri dauden sarreren araberakoa izango da).

Izena emateko epea (autobusa/ Ordu Gaztea) apirilaren 24an amaituko da.

**Oharra: Gutxienez 15 pertsonako talde bat ez bada osatzen, eskaintza bertan behera utziko dugu (Erositako sarreren dirua bueltatuko da hori gertatuz gero)