Trasteleku komunitarioei buruzko bilera egingo du udalak Alde Zaharreko bizilagunekin
2024/04/08
Alde Zaharreko etxeen ezaugarriak direla-eta (portal txikiak, igogailu falta), espazio arazoak izan ohi dituzte bizilagunek bolumen handiko materialak gordetzeko. Egoera horri irtenbide bat eman nahian, trasteleku komunitarioak sortzeko ideia darabil esku artean Azpeitiko Udalak.
Gaiaren inguruan duten ikuspegia jaso ahal izateko, udalak bilera egingo du auzotarrekin. Apirilaren 15ean (astelehena) izango da, 19:00etan, udaletxean.