Udal Gobernuak bat egiten du larunbatean arrazakeriaren kontra egingo den elkarretaratzearekin

‘Arrazakeriarekin amaitu’ lemapean larunbatean, ekainak 13, 19:00etan Elkar-ekinek deituta plazan egingo den elkarretaratzearekin bat egiten du Azpeitiko Udal Gobernua eta herritarrak ere bertan parte hartzera gonbidatu nahi ditu.

Maiatzaren 25ean AEBetako Minneapolis poliziak George Floyd hil zuenetik arrazakeriaren kontrako mugimendu eta ekintza ugari ari dira sortzen munduan. Azpeitiko Udalak sexuagatik, arrazagatik, jatorriagatik, erlijioagatik...  inor baztertuko ez den herri bat izatera heltzeko egiten du lan egunero. Inor bazterrean utzi gabe, guztiok leku bat izango duten Azpeitia du helburu. Horretarako jarraituko du lanean, neurriak jartzen, hezkuntzatik berdintasuna bultzatzen eta herritarrak sentsibilizatzen.