Udal udaleku irekietan izena emateko epea ireki da
2023/05/12
Udal udaleku irekiak ekainaren 26tik uztailaren 21era izango dira, 3 eta 18 urte arteko haur, nerabe eta gazteentzat. Informazioa aste honetan banatuko dituzte ikastetxeetan eta izen ematea ireki da horrela. Momentuz, HH2tik LH6ra arteko izen ematea ireki dute, aurrerago irekiko da DBH eta Batxilergoko gatetxoentzako ekintzetarako izen ematea.
Udako oporraldirako gero eta gutxiago falta da eta, urtero bezala, ekainean hasi eta uztailera bitartean, udaleku irekietako bi txanda antolatuko ditu Azpeitiko Udalak. Eskuprogramak egunotan banatuko dituzte ikastetxeetan, eta izena emateko epea ere ireki da eta maiatzaren 26ra bitartean izango da horretarako aukera.
Adinaren arabera, haurrak talde desberdinetan banatzen dira, eta talde bakoitzak bere egitaraua izango du. Honako hauek dira taldeak: Txipristiñak (HH2); Udan Txiki (HH 3ko umeak); Udan Koxkor (HH 4 eta 5ekoak); Udan Jolas (LH 1 eta 2koak); Udan Mugi (LH 3 eta 4koak); Udan Alai (LH 5 eta 6koak); eta Udabentura (DBH eta Batxilergokoak).
Udan Txiki, Udal Koxkor eta Udan Jolas taldeetako haur eta gaztetxekoek ekainaren 26tik uztailaren 21era bitartean izango dituzte udalekuak, bi txandatan: lehenengoa, ekainaren 25etik uztailaren 7ra; eta bigarrena, uztailaren 10etik 21ra. Txipristinak eta Udan Txikin, lehen txanda bukatu eta gero, aukera emango dute bigarren txandan izena emateko; beste taldeetan, aurrez eman beharko da izena.
On-line formulario bidez izena emateko aukera eskaintzeaz gain, nahiago duenak Azpeitiko Gazte Informazio Bulegora (Enparan kalea 1-1. solairuan) ere joan daite izen ematea egin ahal izateko. Goizez, astelehen, asteazken eta ostiralean, 10:00etatik 12:30era eta arratsaldez, astearte eta ostegunean, 17:00etatik 19:00etara izaten da zabalik.
DBH1etik Batxilergoko bigarren mailarako ekintzetan parte hartzeko izen-ematea aurrerakgo irekiko da. Azken urteetan bezala, aurten ere herriko hainbat eragilerekin elkarlanean antolatuko dira hainbat ekintza eta ahalik eta udaleku inklusiboenak egitea helburua, herritar orok parte hartzeko aukera berak izan ditzan.
Ordainketarako datuak