Itzulpen automatikoa / Machine translation

Udalak ibilgailu elektrikoen birkargarako hamar kargagailu jarri nahi ditu herriko enpresen eskura

2025/02/14
Udalak ibilgailu elektrikoen birkargarako hamar kargagailu jarri nahi ditu herriko enpresen eskura

Otsailaren 20an, osteguna, bilera bat egingo du interesa duten enpresekin, esleipenaren oinarriak azaltzeko eta izan ditzaketen zalantzak argitzeko. 14:30ean izango da, Basazabal Jauregiko hirugarren solairuan.


Euskal Autonomia Erkidegoko Jasangarritasun Energetikoari buruzko otsailaren 21eko 4/2019 Legearen arabera, administrazio publikoek sektore pribatuarekiko lankidetza sustatu behar dute:

  • Eraikin pribatuetan, merkataritza-guneetan, industrietan eta ibilgailu asko ibiltzen diren beste guneetan karga-puntuak jartzeko.
  • Karga-sare sendo bat sortzeko eta ibilgailu elektrikoen erabilera sustatzeko, jasangarritasun energetikoaren eta emisioen murrizketaren estrategia orokorrerako.

Ondorioz, ibilgailu elektrikoen birkarga elektrikorako, Azpeitiko Udalak hamar kargagailu eman nahi dizkie herriko enpresei, horiek beraien eremu pribatuetan instalatzeko. Espeziean emandako laguntzak izango dira. Kargagailu horiek lurreko kargatze puntu bikoitzekoak izango dira, 22Kw-koa hartune bakoitzeko.