Udalekuetara ere iritsi dira sanferminak
2025/07/07
San Fermin eguna da gaur, eta udal udalekuetan ere ospatu dute eguna. Kamiseta zuriak eta zapi gorriak jantzita zituztela joan dira umeak, eta korrika ere egin dute.
Txikienek Jose Antonio Agirre plazan egin dute entzierroa; gainerakoek, berriz, sanferminetako abestia kantatu ostean, Alde Zaharrean egin dute korrika. Plazatik abiatu, Enparan kaletik jaitsi, eta Erdikalean gora, plazara bueltatu dira.