Udaletxeko balkoian, tokia garesti

Ez zen batere erraza danborrada udaletxeko balkoitik ikusteko zozketan norbere izena ateratzea: urtarrilaren 19rako zozketan, banderaren igoeran, %6,3koa zen tokatzeko aukera, 126 lagunek eman dutelako izena eta zortzirentzat bakarrik zegoelako aukera; 71 izan dira urtarrilaren 20ko banderaren jaitsiera udaletxeko balkoitik ikusteko apuntatu direnak ere.

Gaur eguerdian egin du zozketa udalak, eta telefonoz jarriko da harremanetan zortea izan dutenekin. Tokatu zaienek beste pertsona batekin joateko aukera izango dute.