Itzulpen automatikoa / Machine translation

Urola Erdiko etorkizuneko joeren inguruan hausnartu dute IB SAREAren XXII. topaketetan

2025/01/31
Urola Erdiko etorkizuneko joeren inguruan hausnartu dute IB SAREAren XXII. topaketetan

IB Sarearen XXII. topaketak egin dituzte, gaur, Loiolako Gogartetxean. Bertan, eskualdeko sozioekonomia alorreko hainbat eragile bildu dira, besteak beste, enpresak, ekintzaileak, ikastetxeak, merkataritza-elkarteak, enplegu eta turismo arduradunak, baita udaletako ordezkariak ere. Han izan dira Nagore Alkorta Azpeitiko alkatea eta Leire Goenaga Ekonomia batzordeburua ere.


Ana Azkoitia Azkoitiko alkateak eta Iraurgi Berritzeneko lehendakariak eman dio hasiera ekimenari. Ondoren, Begoña Beobide agentziako zuzendariak UE 22-27 Plan Estrategikoaren baitan garatu eta garatzen ari diren ekintzen jarraipena egin du.

Aurtengo topaketen helburu nagusia eskualdeak etorkizunean izango dituen joeren inguruan hausnartzea izan da: biztanleria, jaiotze/heriotzak, teknologia berriak, enpleguaren joera eta etxebizitza gaiak... Prospektikerreko Iñaki Elzaurdi eta Borja Pulido kontsultoreek eman diote ikuspegi orokorra gaiari.

IraurgiBerritzen2

UE 22-27 hausnarketa estrategikotik ateratako lan lerroak aurrez aipatutako joerekin alderatzeko aukera ere izan dute parte hartzaileek, eta mugikortasuna, industriaren garapena, hezkuntza sistema eta enplegu duina izan dira lehenetsi diren lan lerroak.

Nagore Alkortak eman dio amaiera ekitaldiari.