Urrakiko igoera dela-eta, 09:00ak aldera itxiko dute errepidea igandean

Lagun Artea eskuderiaren erreleboa hartuta, Bosteko eskuderiak antolatuko du 42. Urrakiko igoera. Igandean (azaroak 10) izango da. Atzo egindako aurkezpenean, lasterketaren xehetasunen berri eman zuten antolatzaileek.

Entrenamendu txanda 10:00etan hasiko da, baina errepidea 09:00ak aldera ixtea aurreikusten dute, nahiz eta "baldintzek hala eskatzen badute", aurreratu egingo den ordu hori.

Ion Oteiza Kiroletako batzordeburuaren hitzetan, pozgarria da antolakuntzan errelebo aldaketa egon izana, eta, horri esker, aurten ere Urrakiko igoera jokatzea.