Urrestillako berrurbanizazio proiektua azaldu eta ekarpenak jasotzeko bilera irekia deitu du udalak

Datorren asteazkenean, martxoak 29, 19:00etan Urrestillako Jubilatuen egoitzan bilera irekia deitu du udalak. Iazko urrian egindako auzotarren bileran aurreratu zuen udalak Kaletxiki eta Kaleaundi inguruak berrurbanizatu eta egokitzeko helburuz, proiektu bat osatzen ari zela eta eskuartean zuenean beste bilera bat deituko zela.

Proiektua eskuan, auzotarrei azaldu nahi zaizkie berrurbanizaziorako asmoak. Bileran, informazioa eta azalpenak emateaz gain, ekarpenak ere jaso nahi ditu udalak, eskuartean duen behin behineko proiektua egokitu eta ixteko.