Urrestillako lanen bigarren fasea, hastear

Urrestillan, lehen fasea amaitu orduko hasiko dituzte Kaletxiki eta Kaleaundi berreurbanizatzeko bigarren faseko lanak. Astelehenean bertan, hesiak, kasetak eta abar jartzen hasiko dira, obrei ekin ahal izateko.

Fase honetako lanek 200.000 euro inguruko aurrekontua dute, eta, aurreikuspenen arabera, hiru hilabete inguruko iraupena izango dute. Kale-Barrena, Antxieta plaza, Kaleaundi eta Kaletxiki arteko eremuan egingo dituzte lanak. Besteak beste, oinezkoan irisgarritasuna eta segurtasuna hobetzea izango da lanen helburua, eta markesinak ere jarriko dituzte autobus geltokian.

Aldaketak autobus geltokian eta trafikoan

Obren eraginez, aldaketak izango dira autobus geltokian. Behin behinean, Kale-Barrenako aparkalekuan geldituko dira autobusak, bai eskola autobusak, bai lineakoak. Era berean, Aratz Errekara eta Serralde kalera joateko Kaleaunditik sartu beharko da.

Aldaketaren berri emateko kartelak ere jarriko dira kaleetan.