Urriaren 18rako eman behar da izena bularreko minbiziaren prebentziorako tailerrean

Tailer horren helburua izango da autoesplorazioa egiten ikastea, edozein anomalia goiz detektatu ahal izateko.

Emakumeen Txokoak eta DYAk elkarlanean, emakumeen osasuna lantzeko tailer bat eta bi hitzaldi eskainiko dituzte urtea amaitu bitartean. Urriaren 23an izango da horietako lehena: bularreko minbiziaren prebentzio eta hautemate goiztiarrerako tailerra. Parte hartu ahal izateko, urriaren 18rako eman behar da izena, Emakumeen Txokora joanda edo telefonoz deituta 688751000 zenbakira.

Tailerra Emakumeen Txokoan bertan izango da, eta emakumeek* bakarrik parte hartu ahal izango dute. DYAko ordezkariek bularreko autoesplorazioa egiten irakatsiko dute, bularreko edozein anomalia garaiz detektatu ahal izateko.

Hurrengo bi saioak hitzaldi formatuan izango dira: 

• Azaroak 13. Garapen afektibo-sexuala emakumeengan. Autoestimua hobetzea. Sexualitateari buruzko mitoak deseraikiko dira autoezagutza bultzatzeko. Basazabal Jauregian izango da, 18:30etik 20:30era.
• Abenduak 4. Nutrizioa eta emakumeen metabolismoa. Nola aurre egin gorputzaren aldaketei denborak aurrera egin ahala. Emakumeek bizi ahal dituzten hainbat aldaketa aztertuko dira, horietara egokitzeko, eta ongizatea osotasunean lortzeko elikadura ohitura osasuntsuez ere arituko dira. Emakumeen Txokoan izango da, 18:30etik 20:30era.