Urte berriarekin batera, ordutegi berria izango du igerilekuak

Ostegunetik aurrera, 06:30ean irekiko dute, gaur egun baino ordu erdi lehenago.

Gero eta gehiago dira goizean goiz kirola egitera joaten diren herritarrak, eta aukera hori errazteko asmoz, igerilekuaren irekiera-ordutegia aurreratu egingo du Azpeitiko Udalak: urtarrilaren 2tik aurrera, astelehenetik ostiralera, 06:30ean zabalduko du. Itxiera ordutegia, berriz, mantendu egingo du, eta 21:30ak arte egongo da zabalik.

Larunbatetako eta igande eta jaiegunetako ordutegia orain arteko berbera izango da: larunbatetan, 09:00etatik 20:00etara, eta igande eta jaiegunetan, 09:00etatik 14:00etara.