Xanti Agirrezabalaren 'Satiro' antzezlanak jasoko du Euskal Antzerki Topaketetako ikuslegoaren saria

Azaroan egin ziren aurtengo Euskal Antzerki Topaketak, eta urtero gisa, ikusleek boto bidez, obrak baloratzeko eta beren iritzia emateko aukera izan dute. Hala, ikusleen boto gehien Xanti Agirrezabalaren Satiro antzezlanak jaso du, eta berak jasoko du 600€ko saria bihar.

2019an, Azpeitiko Udalak sortzaile berriei eman ohi dizkien beka jaso zuen antzezlanaren sormen prozesua garatzeko Agirrezabalak. Sormen prozesua bera Soreasuko Dinamoa sormen gunean egin zuen eta Euskal Antzerki Topaketen baitan aurtengorako prestatutako Sortzaile Berrien zikloan aurkeztu zuen.