Zientzia eta teknologia proiektuak, plazara

Aurten, bosgarren urtez, eskualdeko gaztetxoen artean ZIMAT –Zientzia, Ingenieritza, Matematika, Artea eta Teknologia- zaletasunak eta gaitasunak sustatzeko proiektua eraman da aurrera, eta gaur ikasleek ikasturtean ikasitakoa eta egindako ezagutarazteko aukera izan dute azokan. Ekimenak Iraurgi Berritzenen sarearen baitan, orain zenbait urte identifikatutako beharrei erantzuna ematea du helburu.

Ikasturtean zehar, irakasle ezberdinen gidaritzapean, eskualdeko ikasleek zientzia nahiz teknologia arloko erronka ezberdinak landu dituzte. Era berean, hainbat proiekturen garapenean, ikasleek arlo ezberdinetako ikerlari eta profesionalekin harremana izateko aukera izan dute. Modu honetara, ikasleek proiektuak garatu dituzten eremuetako errealitatea hurbiletik ezagutzeko aukera izan dute.
Azokan, ikasturtean eskualdeko ikastetxeek landu dituzten proiektuak aurkeztu eta erakutsi dira ordu eta erdiz. Honako proiektuen partehartzea izan da: “Arduino Proiektuak - Teknologia eta Digitalizazioa”, “Energia Berriztagarriak – Multidisziplinarra”, “3D Diseinuak – Teknologia”, “Inkubagailu Programagarria – Teknologia”, “Des-Konpost – Biologia”, “Hologramak – Teknologia”, “Baratza Munduaren Ardatza – Multidisziplinarra”, “Artea Laborategian – Kimika” eta “Zero Zabor – Teknologia”.

Ekitaldian zehar, Azkoitia eta Azpeitiako udal ordezkariek hartu dute parte, tartean izan da Leire Goenaga Azpeitiko Udaleko Hezkuntza zinegotzia.