Xabier Aranbarri sorkuntza bekak 2026
Euskadiko Toki Erakundeei buruzko apirilaren 7ko 2/2016 Legearen eta horrekin bat datorren araudiaren arabera, Azpeitiko Udalari dagokio kultura-jarduerak antolatzeko eta sustatzeko eskumena.
Jarduera-eremu material horren barruan, Azpeitiko Udalak egokitzat jo zuen sektore pribatuak kultura-sorkuntzaren arloan sustatzen eta garatzen dituen ekintzak babesteko bide bat arbitratzea. Neurri horren bidez, batez ere, ikerketa, prestakuntza, artelan artistikoen ekoizpena eta hedapena sustatu nahi dira, eta parte hartzen duten artistei beren zeregin artistikoaren aintzatespena lortzeko aukera eman nahi zaie.
Kultura-sorkuntzatzat hartzen da artistaren irudimenaren emaitza, musika, pintura, eskultura, literatura-obra, antzerki-obra, obra zinematografikoa, komikia, soinu-konposizioa, ikus-entzunezko konposizioa, konposizio digitala, dantza eta abarren forma gauzatu eta har dezakeena. Modu berean, dinamoaren erabilera bultaztu nahi da, interes kulturaleko ekimen sortzaileak bultzatzeko, sortzeko, esperimentatzeko, ekoizteko eta partekatzeko. Hori dela eta, aurreko ekitaldian bi modalitatetan banatu zen dirulaguntzaren xedea.
Azpeitiko udalak kultur arloko hainbat esparrutan duen jarrera sustatzailea ez da berria. 2017an onartu ziren aurrenekoz Kultur sorkuntza bekak eta ordutik hona urtero bultzatu du ekimena Udalak. Dirulaguntza lerro honek izan duen bilakaeraren ondorioz, Alkatetza honek 2026ko otsailaren 20an emandako ebazpenaren bidez, 2026 Sorkuntza bekaren baitan dagoen dirulaguntza ematea arautzen duten oinarri espezifikoak eta deialdia onartu zituen.
Dirulaguntza hau Azpeitiko Udalaren 2026-2028 aldirako onartua dagoen Dirulaguntzen Plan Estrategikoan aurreikusita dago (GAOn 2025ko otsailaren 25ean argitaratua, 37. zk.).
2026ko Udalaren aurrekontuak laguntza hori bideratzeko aurrekontu-zuzkidura aurreikusi du. Bere aldetik, Udalaren Kultura Batzorde Berriemaileka aldeko irizpena eman du konkurrentzi bidezko laguntzaren tramitazioa hasteko.
* Dirulaguntza elektronikoki eskatzeko helbidea: https://uzt.gipuzkoa.eus/home.do?De=EU018121004