Larunbat arratsaldean emakume skaterren erakustaldi irekia izango da

Argazki lehiaketa izango da arratsaldeko beste ekitaldietako bat; argazki kamera edo mugikorra erabili ahal izango dira argazkiak ateratzeko; han bertan azalduko dute zein izango diren arauak.

Skateparka emakumez beteko da larunbat honetan. Goizean, 11:00etik 13:00etara, skate hastapeneko ikastaroa izango da. 12 urtetik 18 urtera artekoena izango da talde bat, eta 18 urtetik gorakoena beste bat. Ikastaro honetan ostiralera arte izango da izen emateko aukera. Skateak, surfskateak, kaskoak eta babesteko materiala elkarteak kudeatuko ditu, hala ere, norberak bere materiala ekartzea gomendatzen da. 17:00-18:30 skate erakusketa eskainiko da skateparkean; irekia izango da eta edonork hartu ahal izango du parte izena eman beharrik gabe.