Asteartean egingo dute azaroko ohiko udalbatzarra
2026/10/30Besteak beste, Uemak aurkeztutako ‘Esnatu’ mozioa landuko dute. Azaroaren 29ko hauteskunde-mahaietarako zozketa ere orduan egingo dute. Azaroaren 3an, 19:00etan hasiko da udalbatzarra.
Lan zerrenda:
- 2026ko azaroaren 29ko Gorte Nagusietarako hauteskundeetarako hauteskunde mahaietako kide titularrak eta ordezkoak izendatzeko zozketa publikoa egitea.
- Azpeitiko Udalaren ostalaritza eta aisialdiko jardueretara zuzendutako establezimenduen instalazioa arautzen duen udal ordenantzaren aldaketa: hasierako onarpena.
- Azpeitiko Zaintza Planaren onarpena.
- Azpeitiko Udala Tantai Baso Jabe Kooperatiban bazkide laguntzaile moduan sartzeko akordioa.
- AGITAX Gipuzkoako Taxilarien Elkarteak aurkeztutako 2027. urterako taxi-zerbitzuaren tarifen proposamenari buruzko erabakia hartzea.
- Euskara suspertzeko Uemak aurkeztu duen Esnatu mozioa.
- Alkatetzak 2026ko urriaren 1etik urriaren 27ra emandako ebazpenen berri ematea.
- Galdera eta erreguak.
