Astelehen goizean itxita egongo da Artzubia etorbidea trafikoarentzat
2026/07/03Aurreko astean bezala, 08:00etatik 13:00etara iraungo du mozketak. Artzubiko biribilgunetik San Martin Estratara hartzen den puntura arteko zatiari eragingo dio.
Etxebizitza batean egiten ari diren lanen eraginez, Artzubia etorbidea itxita egongo da astelehenean, uztailak 6, 08:00etatik 13:00etara bitartean. Hori horrela, Artzubiko etorbidera joan nahi duten ibilgailuek Jose Artetxe kalean Paulo VI. kalera hartzea izango dute aukeretako bat, Ildefonso Gurrutxagatik barrena iristeko; edo bestela, Jose Artetxe kalean Perdillegi kalera hartzea.
Artzubiko biribilgunean, Foru Pasealekura hartzeko arazorik ez da izango; ondorioz, garraio publikoan ere ez du eragozpenik sortuko mozketak.
