- Euskara
Bieleko Nagore Aguirrezabalak irabazi du Hizkuntzen Ginkana lehiaketa
2025/12/03Euskararen Eguna baliatu du Azpeitiko Udalak Hizkuntzen Ginkanako saria banatzeko. Biele enpresako Nagore Aguirrezabala izan da aurtengo irabazlea, eta lantegira bertara joan dira saria ematera Aitor Larrañaga Euskara batzordeburua eta Alaitz Imaz Eleguneko teknikaria.
Azpeitiko Udalaren Elegune zerbitzuaren erabiltzaile diren sei enpresa hauetako langileek parte hartu dute aurten Hizkuntzen Ginkana lehiaketan:
- Abelur
- Biele
- Iraurgi Berritzen
- Kulturaz Kooperatiba
- Landeta Burdin Lanak
- San Martin egoitza
Urrian eta azaroan, galdera bana bidali zaie astero. Irabazleak 100€-ko saria irabazi du Azpeitiko Bertan merkatari elkartearen barruan dauden dendetan gastatzeko. Parte hartzaile guztien artean 50€ko beste sari bat ere zozketatu da, eta hori Kulturaz Kooperatibako Garazi Lazkanori egokitu zaio.
