Ziklo bat, euskarak bizi duen bidegurutzea lantzeko

Naziogintza taldeak, Azpeitiko Udalaren laguntzarekin,  Euskara bidegurutzean izeneko hitzaldi zikloa egingo du urtarrilaren 22tik maiatzaren 12ra, Azpeitian. Lau hitzaldik eta mahai-inguru batek osatuko dute.

“Euskarak bizi duen larrialdi egoeratik pizkunderako bidea” egiteko eman daitezkeen pausoak aztertuko dituzte hitzaldietan, hainbat adituren laguntzarekin. Basazabal jauregian izango dira saio guztiak, 19:00etan hasita.

• Urtarrilak 22. Jon Sarasuak Euskararen etorkizun ikuspegia: nora goaz? hitzaldia emango du.
• Otsailak 25.  Amande Anin Euskararen Erakunde Publikoko kideak Ipar Euskal Herriko egoera linguistikoa azalduko du.
• Martxoak 18. Miren Segurola UEMAko koordinatzaile nagusiak UEMA: Euskararen lurgunea josten izeneko hitzaldia eskainiko du.
• Apirilak 16. Immigrazioak euskararengan duen eraginari buruzko mahai ingurua egingo dute Iñaki Iurrebasok, Jon Sarasuak eta Xabier Aierdik.
• Maiatzak 12. Euskarak Tolosan izan duen bilakaera arrakastatsuari buruz hitz egingo du Kike Amonarriz soziolinguistak.

Naziogintza taldeak Abertzaleak izeneko zikloa antolatu zuen iaz Azpeitian, eta harrera oso ona izan zuen.