Ezkuztako zubiko obrak direla eta, asteburuan errepidea guztiz itxita  egongo da ibilgailu pribatuentzat

Garraio publikoan ere izango dute eragina obrek: larunbatean, 06:00etatik 14:00etara bitartean, autobusek ere ezingo dute igaro Ezkuztako zubitik eta Madalenatik. Tarte horretan, AP-8tik ibiliko dira UK01 (Azkoitia-Donostia), UK03 (Azkoitia-Zarautz) eta UK06 (Zumaia-Zumarraga) lineetako autobusak. Lurraldebusek autobus bereziak jarriko ditu lanzadera zerbitzua eskaintzeko. 14:00etatik aurrera, Madalenako sarbidetik ibiliko dira autobusak.

Garraio publikoan ere izango dute eragina obrek: larunbatean, 06:00etatik 14:00etara bitartean, autobusek ere ezingo dute igaro Ezkuztako zubitik eta Madalenatik

Igandean, 22:00etan zabalduko dute Ezkuztako zubia. Une horretatik aurrera, azken hilabeteotan bezala, semaforo bidez txandaka antolatuko da trafikoa. Era berean, igande gauetik aurrera, ibilgailu guztiek izango dute Madalenatik GI-631 errepidera sartzeko aukera.

Baserri-bide batzuk badaude itxita egongo diren tarteak saihesteko, baina ez erabiltzeko eskatu du udalak, errepide horiek ez daudelako prestatuta trafiko handiarentzat. Zestoa arteko joan-etorrietarako, Elgoibartik barrena ibili beharko da.