Azpiegiturak

Hilerrirako bidea, noranzko bakarreko

2025/10/28

Santu Guztien Eguna da larunbatean, azaroak 1, eta egunotan ohi baino trafiko handiagoa egongo denez, aldaketak egingo dira hilerrirako errepidean.

Bihartik (urriak 29) igandera arte (azaroak 2), bi egunak barne, Txaribarko Errebaletik hilerrirako bidea hilerrira igotzeko noranzkoan bakarrik egongo da irekita. Jaitsi, Takolo baserritik barrena, Etxe Alai kaletik egin beharko da.

Etxe Alaitik hilerrira joateko bidea bi noranzkoetan izango da zabalik. Hilerrira joaten den jendearentzat, komun bat ere jarriko da.