Kanpoko igerilekuko kantina ustiatzeko lehiaketa publikoa abian jarri du udalak

Uda sasoian, kanpoko igerilekua irekitzearekin bat, bertako kantina irekitzeko helburuz, Azpeitiko udalak lehiaketa publikoa abian jarri du. Hala, igerilekuan eskaintzen den zerbitzua osatzea edo hobetzea da asmoa.

Kantina kanpoko igerilekua irekita izango den epealdian kudeatzeko esleipena da abian jarritakoa. Ekainaren erditik irailaren erdira, eta egunero 11:00etaik 20:00etara izango du ordutegia. Kantina ustiatzeagatik ordaindu beharreko kanona 450 eurokoa izango da. 

Proposamenak aurkezteko azken eguna maiatzaren 3a izango da.