Kirol ikastaroetako izen-emateen behin-behineko zerrendak argitaratu dira
2026/09/162026-2027 ikasturteko ikastaroen behin-behineko zerrendak ikusgai daude dagoeneko udalaren webgunean eta igerilekuko ohol fisikoan. Ikastaroetan izena eman dutenei dagokien ikastaroan agertzen direla egiaztatzeko eskatzen zaie.
Behin-behineko zerrenda horien helburua da izena eman duen pertsona bakoitza dagokion ikastaroan zuzen agertzen dela egiaztatzea. Zerrenda horiek baliozkotu ostean, plaza baino eskaera gehiago dituzten ikastaroetan beharrezko zozketak egingo dira, eta, jarraian, behin-betiko zerrendak argitaratuko ditu udalak.
Epe garrantzitsuak:
- Erreklamazioak eta akatsak zuzentzea: Zure datuetan akatsen bat badago, jakinarazi irailaren 18a baino lehen.
- Ikastaro aldaketak: Epe barruan izena eman baduzu eta lekua libre duen beste ikastaro batera aldatu nahi baduzu, epe berean eskatu ahal izango duzu. Aldaketa guztien baieztapena posta elektronikoz bidaliko dizuegu.
- Zozketak eta behin-betiko emaitzak: Erreklamazio epea itxi eta zerrendak eguneratutakoan egingo dira zozketak. Behin-betiko zerrendak (onartuak eta itxaron-zerrendak) irailaren 24an argitaratuko dira leku berean. Behin-betiko emaitza horiek argitaratutakoan, itxaron zerrendan geratzen diren pertsonek leku librea duen beste ikastaro batera aldatzeko aukera izango dute.
- Azpiegiturak
- Kirola
2026/08/24