Patinetan ibiltzen ikasi edo teknika hobetu nahi?
2026/02/04Azpeitiko Udalak patinaje ikastaroa antolatu du patinetan ibiltzen ikasi edo beren teknika hobetu nahi duten haur eta helduentzat. Otsailetik maiatzera bitartean egingo da ikastaroa.
Helduentzako bi talde osatuko dira: hasiberrientzat bat eta teknika hobetu nahi dutenentzat bestea. Aurrenengoek 10:00etatik 11:30era izango dute klasea, eta patinetan ondo moldatzen direnek 11:30etik 13:00etara.
Haurrentzako ere bi talde osatuko dira eta arratsaldez izango dute ikastaroa; 17:00etatik 18:30era LH1-LH3 arteko haurrentzako ikastaroa eskainiko da eta 18:30etik 20:00etara LH4-LH6 bitartekoentzakoa.
Taldeak mugatuak izango dira eta ikastaroa egiteko ezinbestekoa izango da patinak eta kaskoa eramatea. Izena igerilekuan eman beharko da (telefonoa: 943 81 41 21). Hamabi saio izango dira guztira, eta 90 eurokoa izango da kuota.
Ikastaroaren datak:
- Otsailak 28 eta martxoak 1
- Martxoak 28 eta 29
- Apirilak 11 eta 12
- Apirilak 18 eta 19
- Apirilak 25 eta 26
- Maiatzak 23 eta 24
