Urriaren 1ean hasiko da Gazte Kirol Programa

Azpeitiko Udalaren Jarduera fisikoko eta Kiroletako zerbitzuak bultzatzen du Gazte Kirol Programa. Eskaintza erakargarria osatu nahi da, lehiakortasuna alde batera utziz, interesdunak talde baten barruan senti daitezen: ondo pasatzeko, sasoian egoteko, jarduera fisikoa eta kirola egiteko beste modu batzuk ezagutzeko, euren aisialdi denbora aktiboki eta euren kabuz kudeatzeko beharrezko ezagutzak jasotzeko…

Horretarako, hainbat kirol jarduera praktikatzeaz gain, herriko kirol baliabideak zein diren eta herrian kirola egiteko zein aukera dituzten erakutsiko zaie, herriko eragileekin elkarlanean.

Bi aukera aurreikusi dira, egun eta ordutegi desberdinekin:

• 1.- Hedatze programa (doan): astearteetan, 15:00-16:30. Urritik-abendura bitartean izango da, baina taldea sortuz gero, luzatzeko aukera egongo da.

*Izen-ematea eta informazioa ikastetxeko idazkaritzan eskura daitezke.

• 2.- GKP programa (15€/hilean): asteazkenetan, 18:30-20:00. Urritik-maiatzera bitartean izango da. Topagunea: Izarraizpe ikastolako frontoi estalia.

*Izen-ematea: igerilekuan (Kontu korrontearen zenbakia eta titularraren datuak aurkeztu behar dira).

*Informazioa: azpeitiagaztekp@gmail.com / telefonoa: 943 81 30 69

Programaren edukia nahien arabera moldatzen joan daitekeen arren, egingo diren jardueren artean ondorengoak aipa daitezke: paddle-tenisa, boleibola, bizikleta, egokitze fisikorako saioak, igeriketa..