Uztailean eta irailean ere, kirol eskaintza zabala

Azpeitiko Udalak osatu du 2025eko udako kirol jardueren eskaintza. Uztailean eta irailean, hainbat ikastaro eskainiko ditu igerilekuan, haurrentzat nahiz helduentzat. Izen-emate guztiak maiatzaren 26tik 30era izango dira.

Alde batetik, 4-13 urte bitartekoentzako igeriketa ikastaro trinkoak egongo dira, bi txandatan banatuta: ekainaren 30etik uztailaren 18ra eta irailaren 8tik 26ra. Bi adin tartetan banatuko dira partaideak: 4 eta 6 urte bitartekoak eta 7 eta 13 urte bitartekoak (ordutegiak eta prezioak atxikitako dokumentuan).

Helduei dagokienez ere ikastaro ugari egongo dira aukeran: cycling, total training, TRX, pilates, mantenu gimnasia, GAP, zumba fitness, zumba gold, total gazte eta igeriketa teknifikazioa. Ikastaro horiek astean bi egunetan izango dira (ordutegiak eta prezioak atxikitako dokumentuan).

Ikastaroetan gehienezko pertsona kopurua gainditzen baldin bada, zozketa egingo da. Bestela, epea amaitu ondoren ere izena emateko aukera egongo da, taldeak bete arte. Izen-emate orriak igerilekuko harreran jaso daitezke.

Eskaintzaren inguruko zalantzak edo informazio gehiago nahi izanez gero, joan igerilekuko harrerara edo deitu 943814121 telefonora.