Azken egunak udalekuetan izena emateko
2026/05/15Udalekuetan parte hartu nahi duten haur eta gaztetxoek maiatzaren 20ra arte izango dute izena emateko aukera; begirale edo udaleku ibiltarietako azpiegitura arduradun izan nahi dutenek, berriz, maiatzaren 17rako eman beharko dute izena.
Udalak duela egun batzuk aurkeztu zuen udako aisialdi eskaintza. 2 eta 18 urte bitarteko haur eta gazteentzat eskaintza oparoa egongo da aurten ere, adin tartearen arabera, zazpi programatan banatuta.
Bi aukera daude izena emateko; alde bestetik, aurrez aurre, Gaztelekuko Gazteria bulegoan (astelehenetik ostiralera, 09:30etik 19:00etara) edo Gazte Informazio Bulegoan (astelehenetan, asteazkenetan eta ostiraletan, 10:00etatik 13:00etara). Bestetik, online, lotura hauen bidez:
- Txipristinak (HH2), Udan Txiki (HH3), Udan Koxkor (HH4-HH5), Udan Jolas (LH1-LH2) eta Udan Mugi (LH3-LH4
- Udan Alai (LH5-LH6)
- Udabentura (DBH eta batxilergoa)
Begirale izan nahi dutenek galdetegi bat bete behar dute izena emateko. Bi aukera daude: begirale edo uztailaren 13tik 17ra egingo diren udaleku ibiltarietako azpiegitura arduradun.
