Markesinak aldatzen hasi dira gaur Sanjuandegin

Igerileku aurreko obrek aurrera jarraitzen dute. Urtarrilean hasi zituen udalak jolas parkeko estalkia handitzeko lanak, eta orain hurrengo faseari ekin dio: autobus geltokietako markesinak aldatzeari. Julian Elortzako eta Trenbidearen Museoko geltokietan dauden bezalakoak izango dira berriak.

Zaharrak kendu eta berriak jarri bitartean, behin-behineko markesinak jarri ditu udalak; horregatik, ohiko geralekuak izango dituzte autobusek.

Behin markesinak jarritakoan, igerileku aurrerako aurreikusitako obraren azken faseari ekingo diete: geltokitik igerileku aurrera arteko espaloia berritzeari. Orduan ere ohiko lekuetan geratuko dira autobusak.

Obra osoak 330.000 euroko aurrekontua du.