Azoka Plazako bosgarren urteurreneko ekitaldia, bideoan

Pasaden larunbata eguerdian Azoka Plazaren bosgarren urteurrena ospatzeko ekitaldia egin zen. Bertan herritak, Azpeitiko zein eskualdeko ekoizle eta eragileak bildu ziren bost urte hauetako ibilbidea gogoratu eta Azoka Plaza osatzen duten ekoizleen lana eskertu eta aitortzeko. Ekitaldia bideoan bildu dugu. 

Bihar, otsailak 7, hileroko plenoa egingo da

Bihar, hilak 7, otsaileko lehen asteartea izanik ohiko plenoa egingo du udalbatzak 19:00etan hasita. Besteak beste, 'Azpeitia, Euskararen Plan Estrategikoa 2023-2026' eta '2023-2025 Dirulaguntzen Plan Estrategikoa' izango dira aztergai. 

Kaldereroen etorrerarekin emango zaie karnabalei hasiera larunbatean

Gero eta gutxiago falta da Karnabaletarako eta larunbatean izango da Kaldereroen kalejira Azpeitian. 19:00etan hasiko da emanaldia eta Alde Zaharrean ibiliko dira zartaginak astindu eta kaldereroen martxa joaz konpartsak.
Artzubian elkartuko dira guztiak eta handik San Martin Egoitza aurrean jo ostean, Goiko Kaletik plaza zeharkatu eta Enparan Kalea, ErdiKalea,Elizkale eta Donejakue kalea pasatu ostean, Plazan emango zaio bukaera emanaldiari. Ibilbide osoan, bi kantu jo eta abestuko dituzte: Trapu zaharrak eta Kalderero martxak. Urtez urte gero eta jende gehiago biltzen duen ekimena izanik, udalak herritarrak parte hartzera animatu nahi ditu. 

Eguna borobiltzeko, 22:30ean, Ukabil eya MConak taldeen doako kontzertua izango da Sanagustin kulturgunean. 

Bakardadea izango da hizketagai 'Adinekoen zaintzaren garrantzia' jardunaldien baitako asteazkeneko saioan

Asteazkenean, 18:00etan izango da 'Adinekoen zaintzaren garrantzia' jardunaldien saioa, Azoka Plazako aretoan. Bigarren saio horretan bakardadea izango da hizketagai. Javier Yanguas gerontologo eta spikologian doktorea eta Adinberri Fundazioko Berrikuntza ataleko arduraduna, Ainhoa Becerra izango dira horretarako. Adinberri Fundazioaren Hariak estrategiaren inguruko xehatasunak azalduko dituzte. Herritarren eskerei erantzunez, datozen bi saioetan zeinu hizkuntzako interprete bat izango da saioetan. 

Azoka Plazaren bost urteko ibilbidea ekoizleen lana aitortuz eta eskertuz ospatu dute

Larunbatean ospatu zuten ekoizle, eragile eta herritarrek Azoka Plazaren 5. urteurrena. 2028ko otsailaren 3an inauguratu zen Azoka Plaza berritua eta data hori aintzat hartuta ibilbidea posible egin duten ekoizleen eta Elikagunearen lana aitortu eta eskertu nahi izan dute. Nagore Alkorta alkateak bere hitzartzean ekoizle eta baserritarrek duten garrantzia azpimarratu nahi izan zuen: "Guk gaur eta hemen ere eskertu nahi dizuegu Azpeitiko Azoka Plazaren alde egiten duzuen apustua eta hona etortzeko egiten duzuen lana. Guretzat azoken alde, azoka plazaren alde egitea, tokiko ekonomiaren, ingurumenaren eta jasangarritasunaren alde egitea da".

100 lizar landatu zituzten herritarrek Zuhaitz Egunean

Atzo, otsailak 5, Zuhaitz Eguna egin zen Azpeitian. Goizeko 10:30etarako 100 lagun inguru bildu ziren Ekoetxean lanerako prest. Aurtengoan, Urola Ibaiaren ondoko pasealekuan, Loiolabide parean, Loiolako zelai batean irtendako 100 lizar landatu zituzten. Udalak jabearekin adostuta zuhaitzak leku aldatu zituzten. Lanak bukatuta 12:00etan guztiak berriro Ekoetxean elkartu ziren ondo merezitako mokadutxoa egiteko.