Gazteria

Herriko haur, nerabe eta gazteen beharrei, nahiei, arazoei, kezkei, etab. erantzuteko sortutako saila da. Gure lanaren oinarria heziketa da; gure lan eremua, berriz, aisialdia. Haur, nerabe eta gazteentzat bideratutako ekipamenduak (Ludotekak eta Gaztelekua) erabiltzen ditugu haurren, nerabeen eta gazteen heziketa prozesuetan bidelagun izateko. Horretarako, aisialdi hezitzailean adituak diren hezitzaileez osatutako lantaldea dugu. Gure lan-metodologia Gaztematikaren lan-ildoen barruan garatzen da. Gaztematika Gipuzkoako haurren, nerabeen eta gazteen sustapenerako sistema da. Gipuzkoako Foru Aldundiak eta Gipuzkoako udalek osatzen dute.